Lian Waima'a iha Timor-Leste
|
|
Waima'a ne'e lian ida ne'ebé oras ne'e atu lakon daudaun iha rai
Timor-Leste, rai foun ida ne'ebé foin hetan ukun rasik an iha mundu.
Objetivu projetu dokumentasaun lian Waima'a ne'e atu buka atu halo
dokumentasaun ida makaas liu tan kona ba variedade oioin iha lian-koalia
nian hamutuk ho atividade kulturál. Projetu ne'e halo parte iha
DoBes (Dokumentation Bedrokter Sprache) mundu-tomak nian,
ne'ebé hanaran mós eskema ba 'Dokumentasaun kona ba Lian sira
ne'ebé iha perigu atu lakon.' Eskema ne'e Volkswagen Stiftung maka
finansia. Peskiza kona ba Waima'a hetan tiha ona aprovasaun hosi Instituto
Nacional de Linguística de Timor-Leste, i sei hahú hala'o iha
tinan tolu nia laran.
|
|
Iha inglés ema bolu Waimaha, maibé makliak sira, eh ema sira ne'ebé ko'alia lian Waima'a, bolu lian ne'e Waima'a. Waima'a mai hosi liafuan wai 'bee' ho ma'a 'mamuk.' Iha fatin ne'ebé ema ko'alia Waima'a, fatin ne'e mós maka maran liu iha rai Timor-Leste. Objetivu primária ba projetu dokumentasaun ne'e halo iha suku Caisido, maizumenus kilómetru sanulu ba loromonu hosi Baucau, sidade boot iha Timor-Leste tuir Dili. Ho tempu, projetu ne'e sei loke tan atu kobre mós materiál hosi lian sira ne'ebé sei maluk ho dialetu Kairui ho Midiki nian.
Web site ida ne'e iha materiál oioin kona ba lian Waima'a, ne'ebé ema tau hamutuk iha projetu ne'e nia laran to'o oras ne'e. Maibe web site ida ne'e reprezenta deit proporsaun ki'ik ida hosi materiál ne'ebé maka sei fó-sai. Oras ne'e, ema sei halibur ho estuda diadi'ak maioria materiál sira ne'e, atu hatomak dokumentasaun Waima'a nian. Bainhira buat sira ne'e kompletu ona, dokumentasaun tomak sei hatama iha Institutu Max Plank nian ba Psikolinguístika (Max Plank Institute for Psycholinguistics) iha Nijmegen iha rai Olanda.
